top of page
physiotherapist-holding-a-skeleton-feet-model-2023-11-27-05-36-34-utc.jpg

註冊物理治療師、IASTM 筋肌膜鬆動術療法執業者、EXOS 認可運動表現專家等治療師專欄,帶你了破解迷思,從生活健康常識到醫學運動保健知識,從痛症到治療,醫學教育相關深入探討,學習更多日常不會接觸到的醫學冷知識。

長者關節痛 不活動更嚴重

關節痛係咪唔好郁?好多長者覺得係,但其實咁樣,係唔會減少痛嘅同時,亦令佢哋嘅體力同肌肉力量變差,增加跌倒風險。日常行路,都易見攰。

其實,已有唔少案例證明,行動不便嘅長者,只要有專業支援,都可以改善病情。

例如喺外國,有位百歲,患有退化性關節炎嘅長者,本身處於病情轉差,膝關節未能自由活動嘅狀態,後經專業人士幫佢設計咗套訓練下肢力量(四頭肌及臀肌)嘅運動後,膝關節疼痛好快有改善。

亦有位91歲婆婆,原本短短幾個月內跌倒3次,自從開始重量訓練後,佢唔再需要用拐杖行路,更再無跌倒。

另外有研究指,肌肉含量嘅多寡,同延長壽命、降低死亡風險係相關嘅。

當然啦,要進行重量訓練,一定要先俾專業人員了解長者身體狀況、柔韌度、肌力同耐力,從而制定合適嘅訓練動作。

「運動係重要,但更重要嘅,係正確咁運動」所以,長者喺做重量訓練時,一定要有專業人士指導,確保安全。



關節痛

Comments


bottom of page