有冇試過坐喺度或者瞓喺度嘅時候，隻手或隻腳突然會彈一吓？有無發覺自己、家人、朋友或伴侶都有呢種情況？如果有，你或者佢哋都可能患有肌張力異常症。
喺過往處理嘅個案入面，不時會遇到呢類病人。最深刻嘅個案係，患者躺平進行治療時，大腿係會經常岀現痙攣。
肌張力異常症成因有三：1. 家族遺傳；2. 原發性 （自然發生肌張力異常，原因不明）；3. 次發性 （患過一D病，侵犯到大腦基底核而引起。影響範圍可以係局部，半身或全身） 。
目前，要治療肌張力異常症，醫生除咗會處方藥物，亦會進行外科手術或者係用肉毒桿菌素治療。
擔心自己有肌張力異常症？立即求醫啦。
