渣打馬拉松比賽除咗有專業跑手參加，每年亦吸引唔少市民參加。
喺比賽入面，因為唔少參賽者欠缺長跑比賽經驗，所以好多時都唔知自己嘅體能極限。最終，好易因為跑步過度受傷，其中一種最常見嘅傷患就係：髂脛束摩擦症候群（ITB syndrome）。
髂脛束摩擦症候群又稱為跑者膝，有接近8成跑步人士，都受過呢種傷。
髂脛束（又稱IT BAND）係連接髂骨至脛骨間嘅軟組織，當佢太過繃緊或者出現發炎症狀，就會同大腿外側及膝頭外側出現摩擦，令膝外側疼痛。特別係膝頭彎曲30度時特別痛。閒時跑步，或者上落樓梯都會有痛感。
所以，大家喺練習或參加比賽前後，可以喺PatPat及大腿外側用按摩滾輪，確保臀大肌、闊筋膜張肌、髂脛束能夠有效放鬆。
